兩邊面成片啡斑？荷爾蒙斑嘅3大特徵同日常護理
「我兩邊面頰多咗一片啡啡哋嘅斑，係咪曬出嚟？打激光去咗佢得唔得？」呢條問題，我哋喺店入面幾乎每個星期都會聽到。
好多人一見到面上有斑，第一個念頭就係「快啲打走佢」。但面上嘅啡斑唔止一種，荷爾蒙斑同曬斑成因唔同，處理方向亦可以好唔同。今日就同大家拆解荷爾蒙斑嘅3大特徵，等你可以先初步了解自己嘅斑況。
荷爾蒙斑嘅3大特徵
你可以喺自然光下對住鏡，睇吓自己有冇以下特徵：
兩邊對稱：多數喺兩邊面頰、額頭或者上唇位置出現，左右兩邊好似鏡像咁。
成片、邊界模糊：唔係一粒粒，而係一片片啡色，邊位同正常膚色慢慢融合，好難講清楚邊度係起點。
時深時淺：顏色會隨懷孕、服用避孕藥、更年期等荷爾蒙變化，或者夏天日曬多咗而變深，之後又可能淡返少少。
如果你中咗2個或以上特徵，就值得留意吓係咪荷爾蒙斑。不過自我觀察只係初步參考，準確判斷都要由專業人士面對面睇清楚。
荷爾蒙斑同曬斑有咩分別？
好多人會將兩種斑撈埋一齊講，其實分辨方法唔難：
荷爾蒙斑：兩邊對稱、成片、邊界模糊，會隨荷爾蒙變化同日曬時深時淺。
曬斑：一粒粒、邊界清楚，多數隨年紀同長期日曬慢慢加深。
認錯斑種、用錯方法，就好容易出現「越處理越深」嘅情況。所以喺 Eden，我哋一定會先分清斑種，再同你傾下一步。
點解荷爾蒙斑咁易反覆？
有研究發現，荷爾蒙斑唔止係表面色素多咗，皮膚底層嘅「基底膜」亦普遍出現受損。基底膜就好似表皮同真皮之間嘅一道隔板，當佢唔夠穩固，色素就有機會沉落更深層，所以荷爾蒙斑特別頑固、容易返黑。
亦因為咁，皮膚科專家共識指出，激光唔應該係處理荷爾蒙斑嘅第一步。能量用得太強，反而可能刺激皮膚，引致反黑。
呢個亦係我哋一直堅持嘅原則：去除色素，唔係要用減弱皮膚屏障嚟換取。皮膚底子未穩定，我哋寧願慢慢嚟。
*以上研究主要為皮膚樣本研究結果，效果因人而異；如有疑問請先諮詢醫生。
日常可以點樣照顧荷爾蒙斑？
每日防曬：揀有色防曬，連可見光都擋埋；陰天、留喺室內都唔好鬆懈。
避開高溫環境：例如長時間焗桑拿，熱力都可能令色素加深。
溫和清潔：唔好自己大力磨砂或者頻密去角質，保護好皮膚屏障。
唔好亂試偏方：來歷不明嘅美白產品或者自己亂用高濃度酸類，刺激到皮膚反而得不償失。
荷爾蒙斑需要耐性同正確方向。與其急住打走佢，不如先認清楚自己係邊種斑，再按皮膚狀態一步步處理。
如果你唔肯定自己屬於邊種斑，歡迎 WhatsApp 我哋，附上一張自然光素顏相。美容師會先了解你嘅斑況同皮膚狀態，先建議最適合你嘅做法，唔會一上嚟就叫你打激光 🤍
唔肯定自己係咪荷爾蒙斑？歡迎 WhatsApp 我哋：6819 1288（佐敦總店）
留言