top of page

佩儀話你知—— 養宮=養身?|養好子宮抗早衰保持青春

已更新:2022年9月13日



養宮=養身?|養好子宮抗早衰保持青春


子宮係掌管女性荷爾蒙嘅重要器官,唔只係生育。要靚唔係靠化妝、靠搽幾多護膚品,而係從內而外煥發出健康氣色,從而達到真正嘅靚。


你有宮寒嘅現象嗎?宮寒現象包括手腳冰冷、怕冷、面色暗沉、月經異常、體虛發胖、下腹部疼痛。中醫角度,宮寒指婦女腎陽不足,胞宮失溫煦所出現下腹墜脹、疼痛、得熱則緩、白帶多、痛經、月經失調、脈沉緊,舌苔薄白多津、渾身發胖、氣短乏力、失眠多夢嘅徵狀。 香港女性對經痛或經期不準習以為常,以為忍下食止痛藥就冇事,小心忍出大問題!


點解會有宮寒?

  1. 現代女性工作繁忙過勞

  2. 長期處於冷氣地方

  3. 鍾意凍飲凍食

  4. 睡眠質素欠佳加上壓力

  5. 快速減肥

  6. 常穿低腰褲或露出下腹


以上都係會導致宮寒,令內分泌失調,因此出現月事不順、週期不適問題,你又中左幾多項?


養宮唔單止係計劃懷孕嘅婦女要做,婦女病與你嘅子宮息息相關,姊妹們絕對唔可以輕視!子宮內膜異位症,係指子宮內膜嘅子宮內層嘅表皮,一旦生長至子宮以外的器官或組織,便屬子宮內膜異位症(Endometriosis)。較罕見係子宮內膜異位出現喺膀胱、腸道等其他器官或位置。醫學界估計本港最少有30萬名女性患有子宮內膜異位症。「朱古力瘤」指喺卵巢、輸卵管或骨盆腹膜因子宮內膜異位症引起嘅腫囊。由於子宮內膜不正常地長於卵巢表面,仍然周期性增厚及脫落,時間一久便會形成血瘤,所以叫做「朱古力瘤」。「朱古力瘤」有家族遺傳趨勢,經常發生喺處於生育年齡的女士。


有健康嘅子宮,唔止避免患上疾病,仲可以美顏抗老。養宮的第一要訣,就係「暖宮」體質係可以改變,最簡單就係從飲食開始注意。解決宮寒嘅好方法:減少進食油炸燒烤食物、紅肉及加工食品、酒精、凍食。多運動排汗排毒,好好瞓覺,保持腹部溫暖,或配合中醫中藥調理。


當子宮血液循環以及淋巴循環良好,子宮盆腔血液流行足夠,身體自然變得好,靚就係咁簡單。


今個月將會同大家從衣、食、住、行分享養宮方法,各位姊妹想一齊變靚記得留意IG/FB/網站更新~



4 次查看0 則留言
bottom of page