top of page

佩儀話你知——養宮=養心?

已更新:2022年9月13日




女性荷爾蒙變化唔單止影響生理,仲會影響心理。心情對於激素嘅調節有好大影響,養好子宮自然有好心情。咁內分泌失調點解影響情緒?


雌激素為女性荷爾蒙之一,主要由卵巢分泌。雌激素同另一種女性荷爾蒙黃體酮互相影響。而黃體素同焦慮程度又互相影響。喺月經期間,雌激素及黃體酮於最低點,月經結束後,新週期開始,卵巢濾泡成熟、雌激素上升、子宮內膜新生,黃體酮會與排卵後基礎體溫升高、穩定子宮內膜有關,如未受孕,子宮內膜就會崩解排出,形成月經。有規律嘅月經週期,主要靠固定排卵和荷爾蒙平衡。經期期間、懷孕和更年期嘅變化最明顯。

現今女性大多面對工作和家庭與的雙重壓力,加上不良生活習慣,例如熬夜、飲食不均,容易產生焦慮同抑鬱情緒,呢啲都會自律神經系統錯亂,破壞荷爾蒙分泌平衡,體內雌激素減少,而雄性素比例上就偏高。一旦失衡,除咗可能出現月經失調,子宮相關疾病可能接著出現。香港每4位女士便有1人患上子宮肌瘤,子宮肌瘤嘅形成,同心理有密切關係,脾氣急躁對肝經都有負面影響。當患上疾病,除左生理上不適,長期求診會造成身心問題,可能令自尊心下降。


中醫說『百病生於氣」,生病與氣血經絡不通有關,因此學習疏導情緒,使氣血運行順暢,有助於降低子宮肌瘤發生機率。排解情緒嘅好方法:


1. 學習傾訴:有心事唔好收埋喺心,向身邊值得信賴嘅家人朋友傾訴外,亦要多鼓勵自我,聆聽自己嘅心聲。


2. 放聲哭泣:盡情地喊係可以刺激大腦前額葉皮質,進一步促進血清素、腦內啡,傳送多巴胺等神經傳導物質到大腦,放鬆交感神經。


3. 轉換環境:環境影響你嘅心情、能量,轉換環境可以畀啲新鮮感自己。


4. 多做運動:每日運動30-60分鐘,例如散步、單車、跳舞、瑜珈、游水運動同樣可以幫助提起精神,增加大腦腦內啡分泌,心情自然變得愉快。


5. 曬太陽:多吸收陽光,可以使身體產生維他命 D3,促進大腦產生更多血清素,血清素分泌不足時,可能會讓我們產生易怒、疲勞、焦慮、頭痛等症狀,足夠血清素可令心情放鬆愉悅。


6. 調整呼吸:冥想係調解情緒嘅好方法,令神經系統冷靜下來,感受自己心跳、呼吸,將心靈靜下來。

穩定嘅生活作息與良好睡眠品質對於改善體質有絕對幫助。所謂「子宮好,人不老,心情好。」成為內外皆美嘅秘訣就係保持心境開朗,愛護自己,各位靚靚先可以活得健康美麗。


4 次查看0 則留言

Comments


bottom of page